23.1 အာလမ္ဗဏဒါယကတ္ထေရအပဒါန
Review
1.
2899
“အတ္ထဒဿိဿ ဘဂဝတော,
လောကဇေဋ္ဌဿ တာဒိနော;
အာလမ္ဗဏံ မယာ ဒိန္နံ,
ဒွိပဒိန္ဒဿ တာဒိနော.
2.
2900
ဓရဏိံ ပဋိပဇ္ဇာမိ,
ဝိပုလံ သာဂရပ္ပရံ;
ပါဏေသု စ ဣဿရိယံ,
ဝတ္တေမိ ဝသုဓာယ စ.
3.
2901
ကိလေသာ ဈာပိတာ မယှံ,
ဘဝါ သဗ္ဗေ သမူဟတာ;
တိဿော ဝိဇ္ဇာ အနုပ္ပတ္တာ,
ကတံ ဗုဒ္ဓဿ သာသနံ.
4.
2902
ဣတော ဒွေသဋ္ဌိကပ္ပမှိ,_
တယော အာသိံသု ခတ္တိယာ;
ဧကာပဿိတနာမာ တေ,
စက္ကဝတ္တီ မဟဗ္ဗလာ.
5.
2903
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
2904
ဣတ္ထံ သုဒံ အာယသ္မာ အာလမ္ဗဏဒါယကော ထေရော ဣမာ ဂါထာယော အဘာသိတ္ထာတိ.
2905
အာလမ္ဗဏဒါယကတ္ထေရဿာပဒါနံ ပဌမံ.