23.3 ဒွေရတနိယတ္ထေရအပဒါန
Review
12.
2914
“မိဂလုဒ္ဒေါ ပုရေ အာသိံ,
အရညေ ကာနနေ အဟံ;
အဒ္ဒသံ ဝိရဇံ ဗုဒ္ဓံ,
အာဟုတီနံ ပဋိဂ္ဂဟံ.
13.
2915
မံသပေသိ မယာ ဒိန္နာ,
ဝိပဿိဿ မဟေသိနော;
သဒေဝကသ္မိံ လောကသ္မိံ,
ဣဿရံ ကာရယာမဟံ._
14.
2916
ဣမိနာ မံသဒါနေန,_
ရတနံ နိဗ္ဗတ္တတေ မမ;
ဒုဝေမေ ရတနာ လောကေ,
ဒိဋ္ဌဓမ္မဿ ပတ္တိယာ.
15.
2917
တေဟံ သဗ္ဗေ အနုဘောမိ,
မံသဒါနဿ သတ္တိယာ;
ဂတ္တဉ္စ မုဒုကံ မယှံ,
ပညာ နိပုဏဝေဒနီ.
16.
2918
ဧကနဝုတိတော ကပ္ပေ,
ယံ မံသမဒဒိံ တဒါ;
ဒုဂ္ဂတိံ နာဘိဇာနာမိ,
မံသဒါနဿိဒံ ဖလံ.
17.
2919
ဣတော စတုတ္ထကေ ကပ္ပေ,_
ဧကော အာသိံ ဇနာဓိပေါ;
မဟာရောဟိတနာမော သော,
စက္ကဝတ္တီ မဟဗ္ဗလော.
18.
2920
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2921
ဣတ္ထံ သုဒံ အာယသ္မာ ဒွေရတနိယော ထေရော ဣမာ ဂါထာယော အဘာသိတ္ထာတိ.
2922
ဒွေရတနိယတ္ထေရဿာပဒါနံ တတိယံ.
ဒသမံ ဘာဏဝါရံ.