23.7 သောဝဏ္ဏဝဋံသကိယတ္ထေရအပဒါန
Review
34.
2944
“ဥယျာနဘူမိံ နိယျန္တော,
အဒ္ဒသံ လောကနာယကံ;
ဝဋံသကံ ဂဟေတွာန,
သောဝဏ္ဏံ သာဓုနိမ္မိတံ.
35.
2945
သီဃံ တတော သမာရုယှ,
ဟတ္ထိက္ခန္ဓဂတော အဟံ;
ဗုဒ္ဓဿ အဘိရောပေသိံ,
သိခိနော လောကဗန္ဓုနော.
36.
2946
ဧကတ္တိံသေ ဣတော ကပ္ပေ,
ယံ ပုပ္ဖမဘိရောပယိံ;
ဒုဂ္ဂတိံ နာဘိဇာနာမိ,
ပုပ္ဖပူဇာယိဒံ ဖလံ.
37.
2947
သတ္တဝီသေ ဣတော ကပ္ပေ,
ဧကော အာသိံ ဇနာဓိပေါ;
မဟာပတာပနာမေန,
စက္ကဝတ္တီ မဟဗ္ဗလော.
38.
2948
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2949
ဣတ္ထံ သုဒံ အာယသ္မာ သောဝဏ္ဏဝဋံသကိယော ထေရော ဣမာ ဂါထာယော အဘာသိတ္ထာတိ.
2950
သောဝဏ္ဏဝဋံသကိယတ္ထေရဿာပဒါနံ သတ္တမံ.