23.9 သုကတာဝေဠိယတ္ထေရအပဒါန
Review
43.
2957
“အသိတော နာမ နာမေန,
မာလာကာရော အဟံ တဒါ;
အာဝေဠံ ပဂ္ဂဟေတွာန,
ရညော ဒါတုံ ဝဇာမဟံ.
44.
2958
အသမ္ပတ္တောမှိ ရာဇာနံ,
အဒ္ဒသံ သိခိနာယကံ;
ဟဋ္ဌော ဟဋ္ဌေန စိတ္တေန,
ဗုဒ္ဓဿ အဘိရောပယိံ.
45.
2959
ဧကတ္တိံသေ ဣတော ကပ္ပေ,
ယံ ပုပ္ဖမဘိပူဇယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
46.
2960
ပဉ္စဝီသေ ဣတော ကပ္ပေ,
ရာဇာဟောသိံ မဟဗ္ဗလော;
ဝေဘာရော နာမ နာမေန,
စက္ကဝတ္တီ မဟဗ္ဗလော.
47.
2961
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2962
ဣတ္ထံ သုဒံ အာယသ္မာ သုကတာဝေဠိယော ထေရော ဣမာ ဂါထာယော အဘာသိတ္ထာတိ.
2963
သုကတာဝေဠိယတ္ထေရဿာပဒါနံ နဝမံ.