25.7 ဓာတုပူဇကတ္ထေရအပဒါန
Review
23.
3068
“နိဗ္ဗုတေ လောကနာထမှိ,
သိဒ္ဓတ္ထမှိ နရုတ္တမေ;
ဧကာ ဓာတု မယာ လဒ္ဓါ,
ဒွိပဒိန္ဒဿ တာဒိနော.
24.
3069
တာဟံ ဓာတုံ ဂဟေတွာန,
ဗုဒ္ဓဿာဒိစ္စဗန္ဓုနော;
ပဉ္စဝဿေ ပရိစရိံ,
တိဋ္ဌန္တံဝ နရုတ္တမံ.
25.
3070
စတုန္နဝုတိတော ကပ္ပေ,
ယံ ဓာတုံ ပူဇယိံ တဒါ;
ဒုဂ္ဂတိံ နာဘိဇာနာမိ,
ဓာတုပဋ္ဌဟနေ ဖလံ.
26.
3071
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
3072
ဣတ္ထံ သုဒံ အာယသ္မာ ဓာတုပူဇကော ထေရော ဣမာ ဂါထာယော အဘာသိတ္ထာတိ.
3073
ဓာတုပူဇကတ္ထေရဿာပဒါနံ သတ္တမံ.