25.9 ဗိမ္ဗိဇာလိယတ္ထေရအပဒါန
Review
30.
3079
“ပဒုမုတ္တရော နာမ ဇိနော,
သယမ္ဘူ အဂ္ဂပုဂ္ဂလော;
စတုသစ္စံ ပကာသေတိ,
ဒီပေတိ အမတံ ပဒံ.
31.
3080
ဗိမ္ဗိဇာလကပုပ္ဖါနိ,
ပုထု ကတွာနဟံ တဒါ;
ဗုဒ္ဓဿ အဘိရောပေသိံ,
ဒွိပဒိန္ဒဿ တာဒိနော.
32.
3081
အဋ္ဌသဋ္ဌိမှိတော ကပ္ပေ,
စတုရော ကိဉ္ဇကေသရာ;
သတ္တရတနသမ္ပန္နာ,
စက္ကဝတ္တီ မဟဗ္ဗလာ.
33.
3082
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
3083
ဣတ္ထံ သုဒံ အာယသ္မာ ဗိမ္ဗိဇာလိယော ထေရော ဣမာ ဂါထာယော အဘာသိတ္ထာတိ.
3084
ဗိမ္ဗိဇာလိယတ္ထေရဿာပဒါနံ နဝမံ.