26.1 ထောမကတ္ထေရအပဒါန
Review
1.
3094
“ဒေဝလောကေ ဌိတော သန္တော,
ဝိပဿိဿ မဟေသိနော;
ဓမ္မံ သုဏိတွာ မုဒိတော,
ဣမံ ဝါစံ အဘာသဟံ._
2.
3095
‘နမော တေ ပုရိသာဇည,
နမော တေ ပုရိသုတ္တမ;
ဗဟုဇ္ဇနံ တာရယသိ,
ဒေသေန္တော အမတံ ပဒံ’.
3.
3096
ဧကနဝုတိတော ကပ္ပေ,
ယံ ဝါစမဘဏိံ တဒါ;
ဒုဂ္ဂတိံ နာဘိဇာနာမိ,
ထောမနာယ ဣဒံ ဖလံ.
4.
3097
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
3098
ဣတ္ထံ သုဒံ အာယသ္မာ ထောမကော ထေရော ဣမာ ဂါထာယော အဘာသိတ္ထာတိ.
3099
ထောမကတ္ထေရဿာပဒါနံ ပဌမံ.