26.10 အဂ္ဂပုပ္ဖိယတ္ထေရအပဒါန
Review
37.
3148
“သုဝဏ္ဏဝဏ္ဏံ သမ္ဗုဒ္ဓံ,
နိသိန္နံ ပဗ္ဗတန္တရေ;
ဩဘာသယန္တံ ရံသေန,
သိခိနံ သိခိနံ ယထာ.
38.
3149
အဂ္ဂဇံ ပုပ္ဖမာဒါယ,
ဥပါဂစ္ဆိံ နရုတ္တမံ;_
ပသန္နစိတ္တော သုမနော,
ဗုဒ္ဓဿ အဘိရောပယိံ.
39.
3150
ဧကတ္တိံသေ ဣတော ကပ္ပေ,
ယံ ပုပ္ဖမဘိပူဇယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
40.
3151
ပဉ္စဝီသတိကပ္ပမှိ,
အဟောသိ အမိတောဂတော;
သတ္တရတနသမ္ပန္နော,
စက္ကဝတ္တီ မဟဗ္ဗလော.
41.
3152
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”. (2535)
3153
ဣတ္ထံ သုဒံ အာယသ္မာ အဂ္ဂပုပ္ဖိယော ထေရော ဣမာ ဂါထာယော အဘာသိတ္ထာတိ.
3154
အဂ္ဂပုပ္ဖိယတ္ထေရဿာပဒါနံ ဒသမံ.
3155
ထောမကဝဂ္ဂေါ ဆဗ္ဗီသတိမော.
3156
တဿုဒ္ဒါနံ
3157
ထောမကေကာသနစိတကံ,
စမ္ပကော သတ္တပါဋလိ;
ပါနဓိ မဉ္ဇရီ ပဏ္ဏံ,
ကုဋိဒေါ အဂ္ဂပုပ္ဖိယော;
ဂါထာယော ဂဏိတာ စေတ္ထ,
ဧကတာလီသမေဝ စာတိ.