29.1 ပဏ္ဏဒါယကတ္ထေရအပဒါန
Review
1.
3287
“ပဏ္ဏသာလေ နိသိန္နောမှိ,
ပဏ္ဏဘောဇနဘောဇနော;
ဥပဝိဋ္ဌဉ္စ မံ သန္တံ,_
ဥပါဂစ္ဆိ မဟာဣသိ._
2.
3288
သိဒ္ဓတ္ထော လောကပဇ္ဇောတော,
သဗ္ဗလောကတိကိစ္ဆကော;
တဿ ပဏ္ဏံ မယာ ဒိန္နံ,
နိသိန္နံ ပဏ္ဏသန္ထရေ.
3.
3289
စတုန္နဝုတိတော ကပ္ပေ,
ယံ ပဏ္ဏမဒဒိံ တဒါ;
ဒုဂ္ဂတိံ နာဘိဇာနာမိ,
ပဏ္ဏဒါနဿိဒံ ဖလံ.
4.
3290
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
3291
ဣတ္ထံ သုဒံ အာယသ္မာ ပဏ္ဏဒါယကော ထေရော ဣမာ ဂါထာယော အဘာသိတ္ထာတိ.
3292
ပဏ္ဏဒါယကတ္ထေရဿာပဒါနံ ပဌမံ.