29.10 ပုဗ္ဗင်္ဂမိယတ္ထေရအပဒါန
Review
43.
3347
“စုလ္လာသီတိသဟဿာနိ,
ပဗ္ဗဇိမှ အကိဉ္စနာ;
တေသံ ပုဗ္ဗင်္ဂမော အာသိံ,
ဥတ္တမတ္ထဿ ပတ္တိယာ._
44.
3348
သရာဂါ သဘဝါ စေတေ,
ဝိပ္ပသန္နမနာဝိလာ;
ဥပဋ္ဌဟိံသု သက္ကစ္စံ,_
ပသန္နာ သေဟိ ပါဏိဘိ.
45.
3349
ခီဏာသဝါ ဝန္တဒေါသာ,
ကတကိစ္စာ အနာသဝါ;
ဖရိံသု မေတ္တစိတ္တေန,
သယမ္ဘူ အပရာဇိတာ.
46.
3350
တေသံ ဥပဋ္ဌဟိတွာန,
သမ္ဗုဒ္ဓါနံ ပတိဿတော;
မရဏဉ္စ အနုပ္ပတ္တော,
ဒေဝတ္တဉ္စ အဂမှသေ.
47.
3351
စတုန္နဝုတိတော ကပ္ပေ,
ယံ သီလမနုပါလယိံ;
ဒုဂ္ဂတိံ နာဘိဇာနာမိ,
သညမဿ ဣဒံ ဖလံ.
48.
3352
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”. (2666)
3353
ဣတ္ထံ သုဒံ အာယသ္မာ ပုဗ္ဗင်္ဂမိယော ထေရော ဣမာ ဂါထာယော အဘာသိတ္ထာတိ.
3354
ပုဗ္ဗင်္ဂမိယတ္ထေရဿာပဒါနံ ဒသမံ.
3355
ပဏ္ဏဒါယကဝဂ္ဂေါ ဧကူနတိံသတိမော.
3356
တဿုဒ္ဒါနံ
3357
ပဏ္ဏံ ဖလံ ပစ္စုဂ္ဂမံ,
ဧကပုပ္ဖိ စ မဃဝါ;
ဥပဋ္ဌာကာပဒါနဉ္စ,_
ပဗ္ဗဇ္ဇာ ဗုဒ္ဓုပဋ္ဌာကော;
ပုဗ္ဗင်္ဂမော စ ဂါထာယော,
အဋ္ဌတာလီသ ကိတ္တိတာ.