29.3 ပစ္စုဂ္ဂမနိယတ္ထေရအပဒါန
Review
11.
3301
“သီဟံ ယထာ ဝနစရံ,
နိသဘာဇာနိယံ ယထာ;
ကကုဓံ ဝိလသန္တံဝ,
အာဂစ္ဆန္တံ နရာသဘံ.
12.
3302
သိဒ္ဓတ္ထံ လောကပဇ္ဇောတံ,
သဗ္ဗလောကတိကိစ္ဆကံ;
အကာသိံ ပစ္စုဂ္ဂမနံ,
ဝိပ္ပသန္နေန စေတသာ.
13.
3303
စတုန္နဝုတိတော ကပ္ပေ,
ပစ္စုဂ္ဂစ္ဆိံ နရာသဘံ;
ဒုဂ္ဂတိံ နာဘိဇာနာမိ,
ပစ္စုဂ္ဂမနေ ဣဒံ ဖလံ.
14.
3304
သတ္တတိံသေ ဣတော ကပ္ပေ,
ဧကော အာသိံ ဇနာဓိပေါ;
သပရိဝါရောတိ နာမေန,
စက္ကဝတ္တီ မဟဗ္ဗလော.
15.
3305
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
3306
ဣတ္ထံ သုဒံ အာယသ္မာ ပစ္စုဂ္ဂမနိယော ထေရော ဣမာ ဂါထာယော အဘာသိတ္ထာတိ.
3307
ပစ္စုဂ္ဂမနိယတ္ထေရဿာပဒါနံ တတိယံ.