29.5 မဃဝပုပ္ဖိယတ္ထေရအပဒါန
Review
20.
3314
“နမ္မဒါနဒိယာ တီရေ,
သယမ္ဘူ အပရာဇိတော;
သမာဓိံ သော သမာပန္နော,
ဝိပ္ပသန္နော အနာဝိလော.
21.
3315
ဒိသွာ ပသန္နသုမနော,
သမ္ဗုဒ္ဓံ အပရာဇိတံ;
တာဟံ မဃဝပုပ္ဖေန,
သယမ္ဘုံ ပူဇယိံ တဒါ.
22.
3316
ဧကနဝုတိတော ကပ္ပေ,
ယံ ပုပ္ဖမဘိပူဇယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
23.
3317
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
3318
ဣတ္ထံ သုဒံ အာယသ္မာ မဃဝပုပ္ဖိယော ထေရော ဣမာ ဂါထာယော အဘာသိတ္ထာတိ.
3319
မဃဝပုပ္ဖိယတ္ထေရဿာပဒါနံ ပဉ္စမံ.