29.6 ဥပဋ္ဌာကဒါယကတ္ထေရအပဒါန
Review
24.
3320
“ရထိယံ ပဋိပဇ္ဇန္တံ,
အာဟုတီနံ ပဋိဂ္ဂဟံ;
ဒွိပဒိန္ဒံ မဟာနာဂံ,
လောကဇေဋ္ဌံ နရာသဘံ.
25.
3321
ပက္ကောသာပိယ တဿာဟံ,
သဗ္ဗလောကဟိတေသိနော;
ဥပဋ္ဌာကော မယာ ဒိန္နော,_
သိဒ္ဓတ္ထဿ မဟေသိနော.
26.
3322
ပဋိဂ္ဂဟေတွာ သမ္ဗုဒ္ဓေါ,
နိယျာဒေသိ မဟာမုနိ;
ဥဋ္ဌာယ အာသနာ တမှာ,_
ပက္ကာမိ ပါစိနာမုခေါ.
27.
3323
စတုန္နဝုတိတော ကပ္ပေ,
ဥပဋ္ဌာကမဒံ တဒါ;_
ဒုဂ္ဂတိံ နာဘိဇာနာမိ,
ဥပဋ္ဌာနဿိဒံ ဖလံ._
28.
3324
သတ္တပညာသိတော ကပ္ပေ,
ဗလသေနသနာမကော;
သတ္တရတနသမ္ပန္နော,
စက္ကဝတ္တီ မဟဗ္ဗလော.
29.
3325
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
3326
ဣတ္ထံ သုဒံ အာယသ္မာ ဥပဋ္ဌာကဒါယကော ထေရော ဣမာ ဂါထာယော အဘာသိတ္ထာတိ.
3327
ဥပဋ္ဌာကဒါယကတ္ထေရဿာပဒါနံ ဆဋ္ဌံ.