3.6 ဓူပဒါယကတ္ထေရအပဒါန
Review
161.
1030
“သိဒ္ဓတ္ထဿ ဘဂဝတော,
လောကဇေဋ္ဌဿ တာဒိနော;
ကုဋိဓူပံ မယာ ဒိန္နံ,
ဝိပ္ပသန္နေန စေတသာ.
162.
1031
ယံ ယံ ယောနုပပဇ္ဇာမိ,
ဒေဝတ္တံ အထ မာနုသံ;
သဗ္ဗေသမ္ပိ ပိယော ဟောမိ,
ဓူပဒါနဿိဒံ ဖလံ.
163.
1032
စတုန္နဝုတိတော ကပ္ပေ,
ယံ ဓူပမဒဒိံ တဒါ;
ဒုဂ္ဂတိံ နာဘိဇာနာမိ,
ဓူပဒါနဿိဒံ ဖလံ.
164.
1033
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
1034
ဣတ္ထံ သုဒံ အာယသ္မာ ဓူပဒါယကော ထေရော ဣမာ ဂါထာယော အဘာသိတ္ထာတိ.
1035
ဓူပဒါယကတ္ထေရဿာပဒါနံ ဆဋ္ဌံ.