3.9 ဧကဉ္ဇလိကတ္ထေရအပဒါန
Review
180.
1055
“သုဝဏ္ဏဝဏ္ဏံ သမ္ဗုဒ္ဓံ,
ဂစ္ဆန္တံ အန္တရာပဏေ;
ဝိပဿိံ သတ္ထဝါဟဂ္ဂံ,
နရဝရံ ဝိနာယကံ.
181.
1056
အဒန္တဒမနံ တာဒိံ,
မဟာဝါဒိံ မဟာမတိံ;
ဒိသွာ ပသန္နော သုမနော,
ဧကဉ္ဇလိမကာသဟံ.
182.
1057
ဧကနဝုတိတော ကပ္ပေ,
ယမဉ္ဇလိံ ကရိံ တဒါ;
ဒုဂ္ဂတိံ နာဘိဇာနာမိ,
အဉ္ဇလိဿ ဣဒံ ဖလံ.
183.
1058
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
1059
ဣတ္ထံ သုဒံ အာယသ္မာ ဧကဉ္ဇလိကော ထေရော ဣမာ ဂါထာယော အဘာသိတ္ထာတိ.
1060
ဧကဉ္ဇလိကတ္ထေရဿာပဒါနံ နဝမံ.