30.1 စိတကပူဇကတ္ထေရအပဒါန
Review
1.
3358
“အဇိတော နာမ နာမေန,
အဟောသိံ ဗြာဟ္မဏော တဒါ;
အာဟုတိံ ယိဋ္ဌုကာမောဟံ,
နာနာပုပ္ဖံ သမာနယိံ.
2.
3359
ဇလန္တံ စိတကံ ဒိသွာ,
သိခိနော လောကဗန္ဓုနော;
တဉ္စ ပုပ္ဖံ သမာနေတွာ,
စိတကေ ဩကိရိံ အဟံ.
3.
3360
ဧကတ္တိံသေ ဣတော ကပ္ပေ,
ယံ ပုပ္ဖမဘိပူဇယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
4.
3361
သတ္တဝီသေ ဣတော ကပ္ပေ,
သတ္တာသုံ မနုဇာဓိပါ;
သုပဇ္ဇလိတနာမာ တေ,
စက္ကဝတ္တီ မဟဗ္ဗလာ.
5.
3362
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
3363
ဣတ္ထံ သုဒံ အာယသ္မာ စိတကပူဇကော ထေရော ဣမာ ဂါထာယော အဘာသိတ္ထာတိ.
3364
စိတကပူဇကတ္ထေရဿာပဒါနံ ပဌမံ.