30.3 ဆတ္တဒါယကတ္ထေရအပဒါန
Review
11.
3372
“ပုတ္တော မမ ပဗ္ဗဇိတော,
ကာသာယဝသနော တဒါ;
သော စ ဗုဒ္ဓတ္တံ သမ္ပတ္တော,
နိဗ္ဗုတော လောကပူဇိတော.
12.
3373
ဝိစိနန္တော သကံ ပုတ္တံ,
အဂမံ ပစ္ဆတော အဟံ;
နိဗ္ဗုတဿ မဟန္တဿ,
စိတကံ အဂမာသဟံ.
13.
3374
ပဂ္ဂယှ အဉ္ဇလိံ တတ္ထ,
ဝန္ဒိတွာ စိတကံ အဟံ;
သေတစ္ဆတ္တဉ္စ ပဂ္ဂယှ,
အာရောပေသိံ အဟံ တဒါ.
14.
3375
စတုန္နဝုတိတော ကပ္ပေ,
ယံ ဆတ္တမဘိရောပယိံ;
ဒုဂ္ဂတိံ နာဘိဇာနာမိ,
ဆတ္တဒါနဿိဒံ ဖလံ.
15.
3376
ပဉ္စဝီသေ ဣတော ကပ္ပေ,
သတ္တ အာသုံ ဇနာဓိပါ;
မဟာရဟသနာမာ တေ,
စက္ကဝတ္တီ မဟဗ္ဗလာ.
16.
3377
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
3378
ဣတ္ထံ သုဒံ အာယသ္မာ ဆတ္တဒါယကော ထေရော ဣမာ ဂါထာယော အဘာသိတ္ထာတိ.
3379
ဆတ္တဒါယကတ္ထေရဿာပဒါနံ တတိယံ.