31.1 ပဒုမကေသရိယတ္ထေရအပဒါန
Review
1.
3432
“ဣသိသံဃေ အဟံ ပုဗ္ဗေ,
အာသိံ မာတင်္ဂဝါရဏော;
မဟေသီနံ ပသာဒေန,
ပဒ္မကေသရမောကိရိံ.
2.
3433
ပစ္စေကဇိနသေဋ္ဌေသု,
ဓုတရာဂေသု တာဒိသု;
တေသု စိတ္တံ ပသာဒေတွာ,
ကပ္ပံ သဂ္ဂမှိ မောဒဟံ.
3.
3434
ဧကနဝုတိတော ကပ္ပေ,
ကေသရံ ဩကိရိံ တဒါ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
4.
3435
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
3436
ဣတ္ထံ သုဒံ အာယသ္မာ ပဒုမကေသရိယော ထေရော ဣမာ ဂါထာယော အဘာသိတ္ထာတိ.
3437
ပဒုမကေသရိယတ္ထေရဿာပဒါနံ ပဌမံ.