31.4 ဓမ္မသညကတ္ထေရအပဒါန
Review
13.
3450
“ဝိပဿိနော ဘဂဝတော,
မဟာဗောဓိမဟော အဟု;
ရုက္ခဋ္ဌဿေဝ သမ္ဗုဒ္ဓေါ,
လောကဇေဋ္ဌော နရာသဘော.
14.
3451
ဘဂဝါ တမှိ သမယေ,
ဘိက္ခုသံဃပုရက္ခတော;
စတုသစ္စံ ပကာသေတိ,
ဝါစာသဘိမုဒီရယံ.
15.
3452
သံခိတ္တေန စ ဒေသေန္တော,
ဝိတ္ထာရေန စ ဒေသယံ;
ဝိဝဋ္ဋစ္ဆဒေါ သမ္ဗုဒ္ဓေါ,
နိဗ္ဗာပေသိ မဟာဇနံ.
16.
3453
တဿာဟံ ဓမ္မံ သုတွာန,
လောကဇေဋ္ဌဿ တာဒိနော;
ဝန္ဒိတွာ သတ္ထုနော ပါဒေ,
ပက္ကာမိံ ဥတ္တရာမုခေါ.
17.
3454
ဧကနဝုတိတော ကပ္ပေ,
ယံ ဓမ္မမသုဏိံ တဒါ;
ဒုဂ္ဂတိံ နာဘိဇာနာမိ,
ဓမ္မသဝဿိဒံ ဖလံ.
18.
3455
တေတ္တိံသမှိ ဣတော ကပ္ပေ,
ဧကော အာသိံ မဟီပတိ;
သုတဝါ နာမ နာမေန,
စက္ကဝတ္တီ မဟဗ္ဗလော.
19.
3456
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
3457
ဣတ္ထံ သုဒံ အာယသ္မာ ဓမ္မသညကော ထေရော ဣမာ ဂါထာယော အဘာသိတ္ထာတိ.
3458
ဓမ္မသညကတ္ထေရဿာပဒါနံ စတုတ္ထံ.