31.6 သမ္ပသာဒကတ္ထေရအပဒါန
Review
24.
3465
“‘နမော တေ ဗုဒ္ဓ ဝီရတ္ထု,
ဝိပ္ပမုတ္တောသိ သဗ္ဗဓိ;
ဗျသနမှိ အနုပ္ပတ္တော,
တဿ မေ သရဏံ ဘဝ’.
25.
3466
သိဒ္ဓတ္ထော တဿ ဗျာကာသိ,
လောကေ အပ္ပဋိပုဂ္ဂလော;
‘မဟောဒဓိသမော သံဃော,
အပ္ပမေယျော အနုတ္တရော.
26.
3467
တတ္ထ တွံ ဝိရဇေ ခေတ္တေ,
အနန္တဖလဒါယကေ;
သံဃေ စိတ္တံ ပသာဒေတွာ,
သုဗီဇံ ဝါပ ရောပယ’.
27.
3468
ဣဒံ ဝတွာန သဗ္ဗညူ,_
လောကဇေဋ္ဌော နရာသဘော;
မမေဝ အနုသာသိတွာ,
ဝေဟာသံ နဘမုဂ္ဂမိ.
28.
3469
အစိရံ ဂတမတ္တမှိ,
သဗ္ဗညုမှိ နရာသဘေ;
မရဏံ သမနုပ္ပတ္တော,
တုသိတံ ဥပပဇ္ဇဟံ.
29.
3470
တဒါဟံ ဝိရဇေ ခေတ္တေ,
အနန္တဖလဒါယကေ;
သံဃေ စိတ္တံ ပသာဒေတွာ,
ကပ္ပံ သဂ္ဂမှိ မောဒဟံ.
30.
3471
စတုန္နဝုတိတော ကပ္ပေ,
ပသာဒမလဘိံ တဒါ;
ဒုဂ္ဂတိံ နာဘိဇာနာမိ,
ပသာဒဿ ဣဒံ ဖလံ.
31.
3472
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
3473
ဣတ္ထံ သုဒံ အာယသ္မာ သမ္ပသာဒကော ထေရော ဣမာ ဂါထာယော အဘာသိတ္ထာတိ.
3474
သမ္ပသာဒကတ္ထေရဿာပဒါနံ ဆဋ္ဌံ.