31.7 အာရာမဒါယကတ္ထေရအပဒါန
Review
32.
3475
“သိဒ္ဓတ္ထဿ ဘဂဝတော,
အာရာမော ရောပိတော မယာ;
သန္ဒစ္ဆာယေသု ရုက္ခေသု,
ဥပါသန္တေသု ပက္ခိသု._
33.
3476
အဒ္ဒသံ ဝိရဇံ ဗုဒ္ဓံ,
အာဟုတီနံ ပဋိဂ္ဂဟံ;
အာရာမံ အဘိနာမေသိံ,
လောကဇေဋ္ဌံ နရာသဘံ.
34.
3477
ဟဋ္ဌော ဟဋ္ဌေန စိတ္တေန,
ဖလံ ပုပ္ဖမဒါသဟံ;
တတော ဇာတပ္ပသာဒေါဝ,
တံ ဝနံ ပရိဏာမယိံ.
35.
3478
ဗုဒ္ဓဿ ယမိဒံ ဒါသိံ,
ဝိပ္ပသန္နေန စေတသာ;
ဘဝေ နိဗ္ဗတ္တမာနမှိ,
နိဗ္ဗတ္တတိ ဖလံ မမ.
36.
3479
စတုန္နဝုတိတော ကပ္ပေ,
ယံ အာရာမမဒံ တဒါ;
ဒုဂ္ဂတိံ နာဘိဇာနာမိ,
အာရာမဿ ဣဒံ ဖလံ.
37.
3480
သတ္တတိံသေ ဣတော ကပ္ပေ,
သတ္တာသုံ မုဒုသီတလာ;
သတ္တရတနသမ္ပန္နာ,
စက္ကဝတ္တီ မဟဗ္ဗလာ.
38.
3481
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
3482
ဣတ္ထံ သုဒံ အာယသ္မာ အာရာမဒါယကော ထေရော ဣမာ ဂါထာယော အဘာသိတ္ထာတိ.
3483
အာရာမဒါယကတ္ထေရဿာပဒါနံ သတ္တမံ.