32.2 ဘောဇနဒါယကတ္ထေရအပဒါန
Review
4.
3511
“သုဇာတော သာလလဋ္ဌီဝ,
သောဘဉ္ဇနမိဝုဂ္ဂတော;
ဣန္ဒလဋ္ဌိရိဝါကာသေ,_
ဝိရောစတိ သဒါ ဇိနော.
5.
3512
တဿ ဒေဝါတိဒေဝဿ,
ဝေဿဘုဿ မဟေသိနော;
အဒါသိ ဘောဇနမဟံ,
ဝိပ္ပသန္နေန စေတသာ.
6.
3513
တံ မေ ဗုဒ္ဓေါ အနုမောဒိ,
သယမ္ဘူ အပရာဇိတော;
ဘဝေ နိဗ္ဗတ္တမာနမှိ,
ဖလံ နိဗ္ဗတ္တတူ တဝ.
7.
3514
ဧကတ္တိံသေ ဣတော ကပ္ပေ,
ယံ ဒါနမဒဒိံ တဒါ;
ဒုဂ္ဂတိံ နာဘိဇာနာမိ,
ဘောဇနဿ ဣဒံ ဖလံ.
8.
3515
ပဉ္စဝီသေ ဣတော ကပ္ပေ,
ဧကော အာသိံ အမိတ္တကော;
သတ္တရတနသမ္ပန္နော,
စက္ကဝတ္တီ မဟဗ္ဗလော.
9.
3516
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
3517
ဣတ္ထံ သုဒံ အာယသ္မာ ဘောဇနဒါယကော ထေရော ဣမာ ဂါထာယော အဘာသိတ္ထာတိ.
3518
ဘောဇနဒါယကတ္ထေရဿာပဒါနံ ဒုတိယံ.