32.4 သတ္တပဒုမိယတ္ထေရအပဒါန
Review
14.
3525
“နဒီကူလေ ဝသာမဟံ,
နေသာဒေါ နာမ ဗြာဟ္မဏော;
သတပတ္တေဟိ ပုပ္ဖေဟိ,
သမ္မဇ္ဇိတွာန အဿမံ.
15.
3526
သုဝဏ္ဏဝဏ္ဏံ သမ္ဗုဒ္ဓံ,
သိဒ္ဓတ္ထံ လောကနာယကံ;
ဒိသွာ နဘေန ဂစ္ဆန္တံ,
ဟာသော မေ ဥဒပဇ္ဇထ.
16.
3527
ပစ္စုဂ္ဂန္တွာန သမ္ဗုဒ္ဓံ,
လောကဇေဋ္ဌံ နရာသဘံ;
အဿမံ အတိနာမေတွာ,
ဇလဇဂ္ဂေဟိ ဩကိရိံ.
17.
3528
စတုန္နဝုတိတော ကပ္ပေ,
ယံ ပုပ္ဖမဘိရောပယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
18.
3529
ဣတော တေ သတ္တမေ ကပ္ပေ,_
စတုရော ပါဒပါဝရာ;
သတ္တရတနသမ္ပန္နာ,
စက္ကဝတ္တီ မဟဗ္ဗလာ.
19.
3530
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
3531
ဣတ္ထံ သုဒံ အာယသ္မာ သတ္တပဒုမိယော ထေရော ဣမာ ဂါထာယော အဘာသိတ္ထာတိ.
3532
သတ္တပဒုမိယတ္ထေရဿာပဒါနံ စတုတ္ထံ.