32.5 ပုပ္ဖါသနဒါယကတ္ထေရအပဒါန
Review
20.
3533
“သုဝဏ္ဏဝဏ္ဏံ သမ္ဗုဒ္ဓံ,
ပီတရံသိံဝ ဘာဏုမံ;
အဝိဒူရေန ဂစ္ဆန္တံ,
သိဒ္ဓတ္ထံ အပရာဇိတံ.
21.
3534
တဿ ပစ္စုဂ္ဂမိတွာန,
ပဝေသေတွာန အဿမံ;
ပုပ္ဖါသနံ မယာ ဒိန္နံ,
ဝိပ္ပသန္နေန စေတသာ.
22.
3535
အဉ္ဇလိံ ပဂ္ဂဟေတွာန,
ဝေဒဇာတော တဒါ အဟံ;
ဗုဒ္ဓေ စိတ္တံ ပသာဒေတွာ,
တံ ကမ္မံ ပရိဏာမယိံ.
23.
3536
ယံ မေ အတ္ထိ ကတံ ပုညံ,
သယမ္ဘုမှပရာဇိတေ;
သဗ္ဗေန တေန ကုသလေန,
ဝိမလော ဟောမိ သာသနေ.
24.
3537
စတုန္နဝုတိတော ကပ္ပေ,
ပုပ္ဖါသနမဒံ တဒါ;
ဒုဂ္ဂတိံ နာဘိဇာနာမိ,
ပုပ္ဖါသနဿိဒံ ဖလံ.
25.
3538
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
3539
ဣတ္ထံ သုဒံ အာယသ္မာ ပုပ္ဖါသနဒါယကော ထေရော ဣမာ ဂါထာယော အဘာသိတ္ထာတိ.
3540
ပုပ္ဖါသနဒါယကတ္ထေရဿာပဒါနံ ပဉ္စမံ.