32.6 အာသနသန္ထဝိကတ္ထေရအပဒါန
Review
26.
3541
“စေတိယံ ဥတ္တမံ နာမ,
သိခိနော လောကဗန္ဓုနော;
အရညေ ဣရီဏေ ဝနေ,
အန္ဓာဟိဏ္ဍာမဟံ တဒါ.
27.
3542
ပဝနာ နိက္ခမန္တေန,
ဒိဋ္ဌံ သီဟာသနံ မယာ;
ဧကံသံ အဉ္ဇလိံ ကတွာ,
သန္ထဝိံ လောကနာယကံ.
28.
3543
ဒိဝသဘာဂံ ထဝိတွာန,
ဗုဒ္ဓံ လောကဂ္ဂနာယကံ;
ဟဋ္ဌော ဟဋ္ဌေန စိတ္တေန,
ဣမံ ဝါစံ ဥဒီရယိံ._
29.
3544
‘နမော တေ ပုရိသာဇည,
နမော တေ ပုရိသုတ္တမ;
သဗ္ဗညူသိ မဟာဝီရ,
လောကဇေဋ္ဌ နရာသဘ’.
30.
3545
အဘိတ္ထဝိတွာ သိခိနံ,
နိမိတ္တကရဏေနဟံ;
အာသနံ အဘိဝါဒေတွာ,
ပက္ကာမိံ ဥတ္တရာမုခေါ.
31.
3546
ဧကတ္တိံသေ ဣတော ကပ္ပေ,
ယံ ထဝိံ ဝဒတံ ဝရံ;
ဒုဂ္ဂတိံ နာဘိဇာနာမိ,
ထောမနာယ ဣဒံ ဖလံ.
32.
3547
သတ္တဝီသေ ဣတော ကပ္ပေ,
အတုလာ သတ္တ အာသု တေ;
သတ္တရတနသမ္ပန္နာ,
စက္ကဝတ္တီ မဟဗ္ဗလာ.
33.
3548
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
3549
ဣတ္ထံ သုဒံ အာယသ္မာ အာသနသန္ထဝိကော ထေရော ဣမာ ဂါထာယော အဘာသိတ္ထာတိ.
3550
အာသနသန္ထဝိကတ္ထေရဿာပဒါနံ ဆဋ္ဌံ.