32.8 တိရံသိယတ္ထေရအပဒါန
Review
39.
3558
“ကေသရိံ အဘိဇာတံဝ,
အဂ္ဂိက္ခန္ဓံဝ ပဗ္ဗတေ;
ဩဘာသေန္တံ ဒိသာ သဗ္ဗာ,
သိဒ္ဓတ္ထံ ပဗ္ဗတန္တရေ.
40.
3559
သူရိယဿ စ အာလောကံ,
စန္ဒာလောကံ တထေဝ စ;
ဗုဒ္ဓါလောကဉ္စ ဒိသွာန,
ဝိတ္တိ မေ ဥဒပဇ္ဇထ.
41.
3560
တယော အာလောကေ ဒိသွာန,
သမ္ဗုဒ္ဓံ သာဝကုတ္တမံ;
ဧကံသံ အဇိနံ ကတွာ,
သန္ထဝိံ လောကနာယကံ.
42.
3561
တယော ဟိ အာလောကကရာ,
လောကေ လောကတမောနုဒါ;
စန္ဒော စ သူရိယော စာပိ,
ဗုဒ္ဓေါ စ လောကနာယကော.
43.
3562
ဩပမ္မံ ဥပဒဿေတွာ,
ကိတ္တိတော မေ မဟာမုနိ;
ဗုဒ္ဓဿ ဝဏ္ဏံ ကိတ္တေတွာ,
ကပ္ပံ သဂ္ဂမှိ မောဒဟံ.
44.
3563
စတုန္နဝုတိတော ကပ္ပေ,
ယံ ဗုဒ္ဓမဘိကိတ္တယိံ;
ဒုဂ္ဂတိံ နာဘိဇာနာမိ,
ကိတ္တနာယ ဣဒံ ဖလံ.
45.
3564
ဧကသဋ္ဌိမှိတော ကပ္ပေ,
ဧကော ဉာဏဓရော အဟု;
သတ္တရတနသမ္ပန္နော,
စက္ကဝတ္တီ မဟဗ္ဗလော.
46.
3565
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
3566
ဣတ္ထံ သုဒံ အာယသ္မာ တိရံသိယော ထေရော ဣမာ ဂါထာယော အဘာသိတ္ထာတိ.
3567
တိရံသိယတ္ထေရဿာပဒါနံ အဋ္ဌမံ.