32.9 ကန္ဒလိပုပ္ဖိယတ္ထေရအပဒါန
Review
47.
3568
“သိန္ဓုယာ နဒိယာ တီရေ,
အဟောသိံ ကဿကော တဒါ;
ပရကမ္မာယနေ ယုတ္တော,
ပရဘတ္တံ အပဿိတော.
48.
3569
သိန္ဓုံ အနုစရန္တောဟံ,
သိဒ္ဓတ္ထံ ဇိနမဒ္ဒသံ;
သမာဓိနာ နိသိန္နံဝ,
သတပတ္တံဝ ပုပ္ဖိတံ.
49.
3570
သတ္တ ကန္ဒလိပုပ္ဖါနိ,
ဝဏ္ဋေ ဆေတွာနဟံ တဒါ;
မတ္ထကေ အဘိရောပေသိံ,
ဗုဒ္ဓဿာဒိစ္စဗန္ဓုနော.
50.
3571
သုဝဏ္ဏဝဏ္ဏံ သမ္ဗုဒ္ဓံ,
အနုကူလေ သမာဟိတံ;
တိဓာပဘိန္နမာတင်္ဂံ,
ကုဉ္ဇရံဝ ဒုရာသဒံ.
51.
3572
တမဟံ ဥပဂန္တွာန,
နိပကံ ဘာဝိတိန္ဒြိယံ;
အဉ္ဇလိံ ပဂ္ဂဟေတွာန,
အဝန္ဒိံ သတ္ထုနော အဟံ.
52.
3573
စတုန္နဝုတိတော ကပ္ပေ,
ယံ ပုပ္ဖမဘိရောပယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
53.
3574
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
3575
ဣတ္ထံ သုဒံ အာယသ္မာ ကန္ဒလိပုပ္ဖိယော ထေရော ဣမာ ဂါထာယော အဘာသိတ္ထာတိ.
3576
ကန္ဒလိပုပ္ဖိယတ္ထေရဿာပဒါနံ နဝမံ.