34.3 ပုန္နာဂပုပ္ဖိယတ္ထေရအပဒါန
Review
14.
3732
“ကာနနံ ဝနမောဂယှ,
ဝသာမိ လုဒ္ဒကော အဟံ;
ပုန္နာဂံ ပုပ္ဖိတံ ဒိသွာ,
ဗုဒ္ဓသေဋ္ဌံ အနုဿရိံ.
15.
3733
တံ ပုပ္ဖံ ဩစိနိတွာန,
သုဂန္ဓံ ဂန္ဓိတံ သုဘံ;
ထူပံ ကတွာန ပုလိနေ,
ဗုဒ္ဓဿ အဘိရောပယိံ.
16.
3734
ဒွေနဝုတေ ဣတော ကပ္ပေ,
ယံ ပုပ္ဖမဘိပူဇယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
17.
3735
ဧကမှိ နဝုတေ ကပ္ပေ,
ဧကော အာသိံ တမောနုဒေါ;
သတ္တရတနသမ္ပန္နော,
စက္ကဝတ္တီ မဟဗ္ဗလော.
18.
3736
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
3737
ဣတ္ထံ သုဒံ အာယသ္မာ ပုန္နာဂပုပ္ဖိယော ထေရော ဣမာ ဂါထာယော အဘာသိတ္ထာတိ.
3738
ပုန္နာဂပုပ္ဖိယတ္ထေရဿာပဒါနံ တတိယံ.