35.10 ဧကဉ္ဇလိယတ္ထေရအပဒါန
Review
63.
3961
“ရောမသော နာမ သမ္ဗုဒ္ဓေါ,
နဒီကူလေ ဝသီ တဒါ;
အဒ္ဒသံ ဝိရဇံ ဗုဒ္ဓံ,
ပီတရံသိံဝ ဘာဏုမံ.
64.
3962
ဥက္ကာမုခပဟဋ္ဌံဝ,_
ခဒိရင်္ဂါရသန္နိဘံ;
ဩသဓိံဝ ဝိရောစန္တံ,
ဧကဉ္ဇလိမကာသဟံ.
65.
3963
စတုန္နဝုတိတော ကပ္ပေ,
ယံ အဉ္ဇလိမကာသဟံ;
ဒုဂ္ဂတိံ နာဘိဇာနာမိ,
အဉ္ဇလိယာ ဣဒံ ဖလံ.
66.
3964
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”. (3133)
3965
ဣတ္ထံ သုဒံ အာယသ္မာ ဧကဉ္ဇလိယော ထေရော ဣမာ ဂါထာယော အဘာသိတ္ထာတိ.
3966
ဧကဉ္ဇလိယတ္ထေရဿာပဒါနံ ဒသမံ.
3967
ဧကပဒုမိယဝဂ္ဂေါ ပဉ္စတိံသတိမော.
3968
တဿုဒ္ဒါနံ
3969
ပဒုမီ ဥပ္ပလမာလီ,
ဓဇော ကိင်္ကဏိကံ နဠံ;
စမ္ပကော ပဒုမော မုဋ္ဌိ,
တိန္ဒုကေကဉ္ဇလီ တထာ;
ဆ စ သဋ္ဌိ စ ဂါထာယော,
ဂဏိတာယော ဝိဘာဝိဘိ.