35.4 တိကိင်္ကဏိပူဇကတ္ထေရအပဒါန
Review
27.
3913
“ဟိမဝန္တဿာဝိဒူရေ,
ဘူတဂဏော နာမ ပဗ္ဗတော;
တတ္ထဒ္ဒသံ ပံသုကူလံ,
ဒုမဂ္ဂမှိ ဝိလဂ္ဂိတံ.
28.
3914
တီဏိ ကိင်္ကဏိပုပ္ဖါနိ,
ဩစိနိတွာနဟံ တဒါ;
ဟဋ္ဌော ဟဋ္ဌေန စိတ္တေန,
ပံသုကူလံ အပူဇယိံ.
29.
3915
ဧကတ္တိံသေ ဣတော ကပ္ပေ,
ယံ ကမ္မမကရိံ တဒါ;
ဒုဂ္ဂတိံ နာဘိဇာနာမိ,
တိဏ္ဏံ ပုပ္ဖါနိဒံ ဖလံ.
30.
3916
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
3917
ဣတ္ထံ သုဒံ အာယသ္မာ တိကိင်္ကဏိပူဇကော ထေရော ဣမာ ဂါထာယော အဘာသိတ္ထာတိ.
3918
တိကိင်္ကဏိပူဇကတ္ထေရဿာပဒါနံ စတုတ္ထံ.