35.5 နဠာဂါရိကတ္ထေရအပဒါန
Review
31.
3919
“ဟိမဝန္တဿာဝိဒူရေ,
ဟာရိတော နာမ ပဗ္ဗတော;
သယမ္ဘူ နာရဒေါ နာမ,
ရုက္ခမူလေ ဝသီ တဒါ.
32.
3920
နဠာဂါရံ ကရိတွာန,
တိဏေန ဆာဒယိံ အဟံ;
စင်္ကမံ သောဓယိတွာန,
သယမ္ဘုဿ အဒါသဟံ.
33.
3921
စတုဒ္ဒသသု ကပ္ပေသု,
ဒေဝလောကေ ရမိံ အဟံ;
စတုသတ္တတိက္ခတ္တုဉ္စ,
ဒေဝရဇ္ဇံ အကာရယိံ.
34.
3922
စတုသတ္တတိက္ခတ္တုဉ္စ,
စက္ကဝတ္တီ အဟောသဟံ;
ပဒေသရဇ္ဇံ ဝိပုလံ,
ဂဏနာတော အသင်္ခိယံ.
35.
3923
ဥဗ္ဗိဒ္ဓံ ဘဝနံ မယှံ,_
ဣန္ဒလဋ္ဌီဝ ဥဂ္ဂတံ;_
သဟဿထမ္ဘံ အတုလံ,
ဝိမာနံ သပဘဿရံ.
36.
3924
ဒွေ သမ္ပတ္တီ အနုဘောတွာ,
သုက္ကမူလေန စောဒိတော;
ဂေါတမဿ ဘဂဝတော,
သာသနေ ပဗ္ဗဇိံ အဟံ.
37.
3925
ပဓာနပဟိတတ္တောမှိ,
ဥပသန္တော နိရူပဓိ;_
နာဂေါဝ ဗန္ဓနံ ဆေတွာ,
ဝိဟရာမိ အနာသဝေါ.
38.
3926
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
3927
ဣတ္ထံ သုဒံ အာယသ္မာ နဠာဂါရိကော ထေရော ဣမာ ဂါထာယော အဘာသိတ္ထာတိ.
3928
နဠာဂါရိကတ္ထေရဿာပဒါနံ ပဉ္စမံ.