36.1 သဒ္ဒသညကတ္ထေရအပဒါန
Review
1.
3970
“မိဂလုဒ္ဒေါ ပုရေ အာသိံ,
အရညေ ကာနနေ အဟံ;
တတ္ထဒ္ဒသာသိံ သမ္ဗုဒ္ဓံ,
ဒေဝသင်္ဃပုရက္ခတံ.
2.
3971
စတုသစ္စံ ပကာသေန္တံ,
ဥဒ္ဓရန္တံ မဟာဇနံ;_
အဿောသိံ မဓုရံ ဝါစံ,
ကရဝီကရုဒေါပမံ.
3.
3972
ဗြဟ္မသရဿ မုနိနော,
သိခိနော လောကဗန္ဓုနော;
ဃောသေ စိတ္တံ ပသာဒေတွာ,
ပတ္တောမှိ အာသဝက္ခယံ.
4.
3973
ဧကတ္တိံသေ ဣတော ကပ္ပေ,
ယံ ကမ္မမကရိံ တဒါ;
ဒုဂ္ဂတိံ နာဘိဇာနာမိ,
ပသာဒဿ ဣဒံ ဖလံ.
5.
3974
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
3975
ဣတ္ထံ သုဒံ အာယသ္မာ သဒ္ဒသညကော ထေရော ဣမာ ဂါထာယော အဘာသိတ္ထာတိ.
3976
သဒ္ဒသညကတ္ထေရဿာပဒါနံ ပဌမံ.