37.1 မန္ဒာရဝပုပ္ဖိယတ္ထေရအပဒါန
Review
1.
4033
“တာဝတိံသာ ဣဓာဂန္တွာ,
မင်္ဂလော နာမ မာဏဝေါ;
မန္ဒာရဝံ ဂဟေတွာန,
ဝိပဿိဿ မဟေသိနော.
2.
4034
သမာဓိနာ နိသိန္နဿ,
မတ္ထကေ ဓာရယိံ အဟံ;
သတ္တာဟံ ဓာရယိတွာန,
ဒေဝလောကံ ပုနာဂမိံ.
3.
4035
ဧကနဝုတိတော ကပ္ပေ,
ယံ ပုပ္ဖမဘိပူဇယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
4.
4036
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
4037
ဣတ္ထံ သုဒံ အာယသ္မာ မန္ဒာရဝပုပ္ဖိယော ထေရော ဣမာ ဂါထာယော အဘာသိတ္ထာတိ.
4038
မန္ဒာရဝပုပ္ဖိယတ္ထေရဿာပဒါနံ ပဌမံ.