37.3 ဘိသမုဠာလဒါယကတ္ထေရအပဒါန
Review
8.
4044
“ဖုဿော နာမာသိ သမ္ဗုဒ္ဓေါ,
သဗ္ဗဓမ္မာန ပါရဂူ;
ဝိဝေကကာမော သဗ္ဗညူ,
အာဂဉ္ဆိ မမ သန္တိကေ.
9.
4045
တသ္မိံ စိတ္တံ ပသာဒေတွာ,
မဟာကာရုဏိကေ ဇိနေ;
ဘိသမုဠာလံ ပဂ္ဂယှ,
ဗုဒ္ဓသေဋ္ဌဿဒါသဟံ.
10.
4046
ဒွေနဝုတေ ဣတော ကပ္ပေ,
ယံ ဘိသမဒဒိံ တဒါ;
ဒုဂ္ဂတိံ နာဘိဇာနာမိ,
ဘိသဒါနဿိဒံ ဖလံ.
11.
4047
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
4048
ဣတ္ထံ သုဒံ အာယသ္မာ ဘိသမုဠာလဒါယကော ထေရော ဣမာ ဂါထာယော အဘာသိတ္ထာတိ.
4049
ဘိသမုဠာလဒါယကတ္ထေရဿာပဒါနံ တတိယံ.