37.6 ကဒမ္ဗပုပ္ဖိယတ္ထေရအပဒါန
Review
20.
4062
“သုဝဏ္ဏဝဏ္ဏံ သမ္ဗုဒ္ဓံ,
ဂစ္ဆန္တံ အန္တရာပဏေ;
ကဉ္စနဂ္ဃိယသင်္ကာသံ,
ဗာတ္တိံသဝရလက္ခဏံ.
21.
4063
နိသဇ္ဇ ပါသာဒဝရေ,
အဒ္ဒသံ လောကနာယကံ;
ကဒမ္ဗပုပ္ဖံ ပဂ္ဂယှ,
ဝိပဿိံ အဘိပူဇယိံ.
22.
4064
ဧကနဝုတိတော ကပ္ပေ,
ယံ ဗုဒ္ဓမဘိပူဇယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
23.
4065
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
4066
ဣတ္ထံ သုဒံ အာယသ္မာ ကဒမ္ဗပုပ္ဖိယော ထေရော ဣမာ ဂါထာယော အဘာသိတ္ထာတိ.
4067
ကဒမ္ဗပုပ္ဖိယတ္ထေရဿာပဒါနံ ဆဋ္ဌံ.