38.1 ဗောဓိဝန္ဒကတ္ထေရအပဒါန
Review
1.
4096
“ပါဋလိံ ဟရိတံ ဒိသွာ,
ပါဒပံ ဓရဏီရုဟံ;
ဧကံသံ အဉ္ဇလိံ ကတွာ,
အဝန္ဒိံ ပါဋလိံ အဟံ.
2.
4097
အဉ္ဇလိံ ပဂ္ဂဟေတွာန,
ဂရုံ ကတွာန မာနသံ;
အန္တောသုဒ္ဓံ ဗဟိသုဒ္ဓံ,
သုဝိမုတ္တမနာသဝံ.
3.
4098
ဝိပဿိံ လောကမဟိတံ,
ကရုဏာဉာဏသာဂရံ;
သမ္မုခါ ဝိယ သမ္ဗုဒ္ဓံ,
အဝန္ဒိံ ပါဋလိံ အဟံ.
4.
4099
ဧကနဝုတိတော ကပ္ပေ,
ယံ ဗောဓိမဘိဝန္ဒဟံ;
ဒုဂ္ဂတိံ နာဘိဇာနာမိ,
ဝန္ဒနာယ ဣဒံ ဖလံ.
5.
4100
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
4101
ဣတ္ထံ သုဒံ အာယသ္မာ ဗောဓိဝန္ဒကော ထေရော ဣမာ ဂါထာယော အဘာသိတ္ထာတိ.
4102
ဗောဓိဝန္ဒကတ္ထေရဿာပဒါနံ ပဌမံ.