38.4 ပဋ္ဋိပုပ္ဖိယတ္ထေရအပဒါန
Review
22.
4123
“ယဒါ နိဗ္ဗာယိ သမ္ဗုဒ္ဓေါ,
မဟေသီ ပဒုမုတ္တရော;
သမာဂမ္မ ဇနာ သဗ္ဗေ,
သရီရံ နီဟရန္တိ တေ.
23.
4124
နီဟရန္တေ သရီရမှိ,
ဝဇ္ဇမာနာသု ဘေရိသု;
ပသန္နစိတ္တော သုမနော,
ပဋ္ဋိပုပ္ဖံ အပူဇယိံ.
24.
4125
သတသဟဿိတော ကပ္ပေ,
ယံ ပုပ္ဖမဘိပူဇယိံ;
ဒုဂ္ဂတိံ နာဘိဇာနာမိ,
သရီရပူဇိတေ ဖလံ.
25.
4126
ကိလေသာ ဈာပိတာ မယှံ,
ဘဝါ သဗ္ဗေ သမူဟတာ;
နာဂေါဝ ဗန္ဓနံ ဆေတွာ,
ဝိဟရာမိ အနာသဝေါ.
26.
4127
သွာဂတံ ဝတ မေ အာသိ,
မမ ဗုဒ္ဓဿ သန္တိကေ;
တိဿော ဝိဇ္ဇာ အနုပ္ပတ္တာ,
ကတံ ဗုဒ္ဓဿ သာသနံ.
27.
4128
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
4129
ဣတ္ထံ သုဒံ အာယသ္မာ ပဋ္ဋိပုပ္ဖိယော ထေရော ဣမာ ဂါထာယော အဘာသိတ္ထာတိ.
4130
ပဋ္ဋိပုပ္ဖိယတ္ထေရဿာပဒါနံ စတုတ္ထံ.