4.9 ဓမ္မစက္ကိကတ္ထေရအပဒါန
Review
102.
1190
“သိဒ္ဓတ္ထဿ ဘဂဝတော,
သီဟာသနဿ သမ္မုခါ;
ဓမ္မစက္ကံ မေ ဌပိတံ,
သုကတံ ဝိညုဝဏ္ဏိတံ.
103.
1191
စာရုဝဏ္ဏောဝ သောဘာမိ,
သယောဂ္ဂဗလဝါဟနော;
ပရိဝါရေန္တိ မံ နိစ္စံ,
အနုယန္တာ ဗဟုဇ္ဇနာ.
104.
1192
သဋ္ဌိတူရိယသဟဿေဟိ,
ပရိစာရေမဟံ သဒါ;
ပရိဝါရေန သောဘာမိ,
ပုညကမ္မဿိဒံ ဖလံ.
105.
1193
စတုန္နဝုတိတော ကပ္ပေ,
ယံ စက္ကံ ဌပယိံ အဟံ;
ဒုဂ္ဂတိံ နာဘိဇာနာမိ,
ဓမ္မစက္ကဿိဒံ ဖလံ.
106.
1194
ဣတော ဧကာဒသေ ကပ္ပေ,_
အဋ္ဌာသိံသု ဇနာဓိပါ;
သဟဿရာဇနာမေန,
စက္ကဝတ္တီ မဟဗ္ဗလာ.
107.
1195
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
1196
ဣတ္ထံ သုဒံ အာယသ္မာ ဓမ္မစက္ကိကော ထေရော ဣမာ ဂါထာယော အဘာသိတ္ထာတိ.
1197
ဓမ္မစက္ကိကတ္ထေရဿာပဒါနံ နဝမံ.