45.7 သီဟာသနိကတ္ထေရအပဒါန
Review
42.
5828
“ပဒုမုတ္တရဿ ဘဂဝတော,
သဗ္ဗဘူတဟိတေသိနော;
ပသန္နစိတ္တော သုမနော,
သီဟာသနမဒါသဟံ.
43.
5829
ဒေဝလောကေ မနုဿေ ဝါ,
ယတ္ထ ယတ္ထ ဝသာမဟံ;
လဘာမိ ဝိပုလံ ဗျမှံ,
သီဟာသနဿိဒံ ဖလံ.
44.
5830
သောဏ္ဏမယာ ရူပိမယာ,
လောဟိတင်္ဂမယာ ဗဟူ;
မဏိမယာ စ ပလ္လင်္ကာ,
နိဗ္ဗတ္တန္တိ မမံ သဒါ.
45.
5831
ဗောဓိယာ အာသနံ ကတွာ,
ဇလဇုတ္တမနာမိနော;
ဥစ္စေ ကုလေ ပဇာယာမိ,_
အဟော ဓမ္မသုဓမ္မတာ.
46.
5832
သတသဟဿိတော ကပ္ပေ,
သီဟာသနမကာသဟံ;
ဒုဂ္ဂတိံ နာဘိဇာနာမိ,
သီဟာသနဿိဒံ ဖလံ.
47.
5833
ကိလေသာ ဈာပိတာ မယှံ,
_ …ပေ… _
ဝိဟရာမိ အနာသဝေါ.
48.
5834
သွာဂတံ ဝတ မေ အာသိ,
_ …ပေ… _
ကတံ ဗုဒ္ဓဿ သာသနံ.
49.
5835
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
5836
ဣတ္ထံ သုဒံ အာယသ္မာ သီဟာသနိကော ထေရော ဣမာ ဂါထာယော အဘာသိတ္ထာတိ.
5837
သီဟာသနိကတ္ထေရဿာပဒါနံ သတ္တမံ.