46.1 ဇဂတိဒါယကတ္ထေရအပဒါန
Review
1.
5879
“ဓမ္မဒဿိဿ မုနိနော,
ဗောဓိယာ ပါဒပုတ္တမေ;
ပသန္နစိတ္တော သုမနော,
ဇဂတိံ ကာရယိံ အဟံ.
2.
5880
ဒရိတော ပဗ္ဗတတော ဝါ,
ရုက္ခတော ပတိတော အဟံ;
စုတော ပတိဋ္ဌံ ဝိန္ဒာမိ,
ဇဂတိယာ ဣဒံ ဖလံ.
3.
5881
န မေ စောရာ ဝိဟေသန္တိ,
နာတိမညန္တိ ခတ္တိယာ;
သဗ္ဗာမိတ္တေတိက္ကမာမိ,
ဇဂတိယာ ဣဒံ ဖလံ.
4.
5882
ယံ ယံ ယောနုပပဇ္ဇာမိ,
ဒေဝတ္တံ အထ မာနုသံ;
သဗ္ဗတ္ထ ပူဇိတော ဟောမိ,
ဇဂတိယာ ဣဒံ ဖလံ.
5.
5883
အဋ္ဌာရသေ ကပ္ပသတေ,
ဇဂတိံ ကာရယိံ အဟံ;
ဒုဂ္ဂတိံ နာဘိဇာနာမိ,
ဇဂတိဒါနဿိဒံ ဖလံ.
6.
5884
ကိလေသာ ဈာပိတာ မယှံ,
ဘဝါ သဗ္ဗေ သမူဟတာ;
နာဂေါဝ ဗန္ဓနံ ဆေတွာ,
ဝိဟရာမိ အနာသဝေါ.
7.
5885
သွာဂတံ ဝတ မေ အာသိ,
မမ ဗုဒ္ဓဿ သန္တိကေ;
တိဿော ဝိဇ္ဇာ အနုပ္ပတ္တာ,
ကတံ ဗုဒ္ဓဿ သာသနံ.
8.
5886
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
5887
ဣတ္ထံ သုဒံ အာယသ္မာ ဇဂတိဒါယကော ထေရော ဣမာ ဂါထာယော အဘာသိတ္ထာတိ.
5888
ဇဂတိဒါယကတ္ထေရဿာပဒါနံ ပဌမံ.