47.1 သာလကုသုမိယတ္ထေရအပဒါန
Review
1.
5970
“ပရိနိဗ္ဗုတေ ဘဂဝတိ,
ဇလဇုတ္တမနာမကေ;
အာရောပိတမှိ စိတကေ,
သာလပုပ္ဖမပူဇယိံ.
2.
5971
သတသဟဿိတော ကပ္ပေ,
ယံ ပုပ္ဖမဘိရောပယိံ;
ဒုဂ္ဂတိံ နာဘိဇာနာမိ,
စိတပူဇာယိဒံ ဖလံ.
3.
5972
ကိလေသာ ဈာပိတာ မယှံ,
ဘဝါ သဗ္ဗေ သမူဟတာ;
နာဂေါဝ ဗန္ဓနံ ဆေတွာ,
ဝိဟရာမိ အနာသဝေါ.
4.
5973
သွာဂတံ ဝတ မေ အာသိ,
မမ ဗုဒ္ဓဿ သန္တိကေ;
တိဿော ဝိဇ္ဇာ အနုပ္ပတ္တာ,
ကတံ ဗုဒ္ဓဿ သာသနံ.
5.
5974
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
5975
ဣတ္ထံ သုဒံ အာယသ္မာ သာလကုသုမိယော ထေရော ဣမာ ဂါထာယော အဘာသိတ္ထာတိ.
5976
သာလကုသုမိယတ္ထေရဿာပဒါနံ ပဌမံ.