5.4 သန္နိဋ္ဌာပကတ္ထေရအပဒါန
Review
70.
1284
“အရညေ ကုဋိကံ ကတွာ,
ဝသာမိ ပဗ္ဗတန္တရေ;
လာဘာလာဘေန သန္တုဋ္ဌော,
ယသေန အယသေန စ.
71.
1285
ပဒုမုတ္တရော လောကဝိဒူ,
အာဟုတီနံ ပဋိဂ္ဂဟော;
ဝသီသတသဟဿေဟိ,
အာဂစ္ဆိ မမ သန္တိကံ.
72.
1286
ဥပါဂတံ မဟာနာဂံ,_
ဇလဇုတ္တမနာမကံ;
တိဏသန္ထရံ ပညာပေတွာ,
အဒါသိံ သတ္ထုနော အဟံ.
73.
1287
ပသန္နစိတ္တော သုမနော,
အာမဏ္ဍံ ပါနီယဉ္စဟံ;
အဒါသိံ ဥဇုဘူတဿ,
ဝိပ္ပသန္နေန စေတသာ.
74.
1288
သတသဟဿိတော ကပ္ပေ,
ယံ ဒါနမဒဒိံ တဒါ;
ဒုဂ္ဂတိံ နာဘိဇာနာမိ,
အာမဏ္ဍဿ ဣဒံ ဖလံ.
75.
1289
ဧကတာလီသကပ္ပမှိ,
ဧကော အာသိံ အရိန္ဒမော;
သတ္တရတနသမ္ပန္နော,
စက္ကဝတ္တီ မဟဗ္ဗလော.
76.
1290
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
1291
ဣတ္ထံ သုဒံ အာယသ္မာ သန္နိဋ္ဌာပကော ထေရော ဣမာ ဂါထာယော အဘာသိတ္ထာတိ.
1292
သန္နိဋ္ဌာပကတ္ထေရဿာပဒါနံ စတုတ္ထံ.