5.5 ပဉ္စဟတ္ထိယတ္ထေရအပဒါန
Review
77.
1293
“သုမေဓော နာမ သမ္ဗုဒ္ဓေါ,
ဂစ္ဆတေ အန္တရာပဏေ;
ဩက္ခိတ္တစက္ခု မိတဘာဏီ,
သတိမာ သံဝုတိန္ဒြိယော.
78.
1294
ပဉ္စ ဥပ္ပလဟတ္ထာနိ,
အာဝေဠတ္ထံ အဟံသု မေ;
တေန ဗုဒ္ဓံ အပူဇေသိံ,
ပသန္နော သေဟိ ပါဏိဘိ.
79.
1295
အာရောပိတာ စ တေ ပုပ္ဖါ,
ဆဒနံ အဿု သတ္ထုနော;
သမာဓိံသု မဟာနာဂံ,
သိဿာ အာစရိယံ ယထာ.
80.
1296
တိံသကပ္ပသဟဿမှိ,
ယံ ပုပ္ဖမဘိရောပယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
81.
1297
ဣတော ဝီသကပ္ပသတေ,_
အဟေသုံ ပဉ္စ ခတ္တိယာ;
ဟတ္ထိယာ နာမ နာမေန,
စက္ကဝတ္တီ မဟဗ္ဗလာ.
82.
1298
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
1299
ဣတ္ထံ သုဒံ အာယသ္မာ ပဉ္စဟတ္ထိယော ထေရော ဣမာ ဂါထာယော အဘာသိတ္ထာတိ.
1300
ပဉ္စဟတ္ထိယတ္ထေရဿာပဒါနံ ပဉ္စမံ.