52.1 ကုရဉ္စိယဖလဒါယကတ္ထေရအပဒါန
Review
1.
6691
“မိဂလုဒ္ဒေါ ပုရေ အာသိံ,
ဝိပိနေ ဝိစရံ အဟံ;
အဒ္ဒသံ ဝိရဇံ ဗုဒ္ဓံ,
သဗ္ဗဓမ္မာန ပါရဂုံ.
2.
6692
ကုရဉ္စိယဖလံ ဂယှ,
ဗုဒ္ဓသေဋ္ဌဿဒါသဟံ;
ပုညက္ခေတ္တဿ တာဒိနော,
ပသန္နော သေဟိ ပါဏိဘိ.
3.
6693
ဧကတိံသေ ဣတော ကပ္ပေ,
ယံ ဖလံ အဒဒိံ တဒါ;
ဒုဂ္ဂတိံ နာဘိဇာနာမိ,
ဖလဒါနဿိဒံ ဖလံ.
4.
6694
ကိလေသာ ဈာပိတာ မယှံ,
ဘဝါ သဗ္ဗေ သမူဟတာ;
နာဂေါဝ ဗန္ဓနံ ဆေတွာ,
ဝိဟရာမိ အနာသဝေါ.
5.
6695
သွာဂတံ ဝတ မေ အာသိ,
ဗုဒ္ဓသေဋ္ဌဿ သန္တိကေ;
တိဿော ဝိဇ္ဇာ အနုပ္ပတ္တာ,
ကတံ ဗုဒ္ဓဿ သာသနံ.
6.
6696
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
6697
ဣတ္ထံ သုဒံ အာယသ္မာ ကုရဉ္စိယဖလဒါယကော ထေရော ဣမာ ဂါထာယော အဘာသိတ္ထာတိ.
6698
ကုရဉ္စိယဖလဒါယကတ္ထေရဿာပဒါနံ ပဌမံ.