6.1 ဝိဓူပနဒါယကတ္ထေရအပဒါန
Review
1.
1376
“ပဒုမုတ္တရဗုဒ္ဓဿ,
လောကဇေဋ္ဌဿ တာဒိနော;
ဗီဇနိကာ မယာ ဒိန္နာ,
ဒွိပဒိန္ဒဿ တာဒိနော.
2.
1377
သကံ စိတ္တံ ပသာဒေတွာ,
ပဂ္ဂဟေတွာန အဉ္ဇလိံ;
သမ္ဗုဒ္ဓမဘိဝါဒေတွာ,
ပက္ကမိံ ဥတ္တရာမုခေါ.
3.
1378
ဗီဇနိံ ပဂ္ဂဟေတွာန,
သတ္ထာ လောကဂ္ဂနာယကော;
ဘိက္ခုသံဃေ ဌိတော သန္တော,
ဣမာ ဂါထာ အဘာသထ._
4.
1379
‘ဣမိနာ ဗီဇနိဒါနေန,
စိတ္တဿ ပဏိဓီဟိ စ;
ကပ္ပါနံ သတသဟဿံ,
ဝိနိပါတံ န ဂစ္ဆတိ’.
5.
1380
အာရဒ္ဓဝီရိယော ပဟိတတ္တော,
စေတောဂုဏသမာဟိတော;
ဇာတိယာ သတ္တဝဿောဟံ,
အရဟတ္တံ အပါပုဏိံ.
6.
1381
သဋ္ဌိကပ္ပသဟဿမှိ,
ဗီဇမာနသနာမကာ;
သောဠသာသိံသု ရာဇာနော,
စက္ကဝတ္တီ မဟဗ္ဗလာ.
7.
1382
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
1383
ဣတ္ထံ သုဒံ အာယသ္မာ ဝိဓူပနဒါယကော ထေရော ဣမာ ဂါထာယော အဘာသိတ္ထာတိ.
1384
ဝိဓူပနဒါယကတ္ထေရဿာပဒါနံ ပဌမံ.