6.4 ဂန္ဓောဒကိယတ္ထေရအပဒါန
Review
25.
1406
“ပဒုမုတ္တရဗုဒ္ဓဿ,
မဟာဗောဓိမဟော အဟု;
ဝိစိတ္တံ ဃဋမာဒါယ,
ဂန္ဓောဒကမဒါသဟံ.
26.
1407
နှာနကာလေ စ ဗောဓိယာ,
မဟာမေဃော ပဝဿထ;
နိန္နာဒေါ စ မဟာ အာသိ,
အသနိယာ ဖလန္တိယာ.
27.
1408
တေနေဝါသနိဝေဂေန,
တတ္ထ ကာလင်္ကတော အဟံ;
ဒေဝလောကေ ဌိတော သန္တော,
ဣမာ ဂါထာ အဘာသဟံ._
28.
1409
‘အဟော ဗုဒ္ဓါ အဟော ဓမ္မာ,
အဟော နော သတ္ထုသမ္ပဒါ;
ကဠေဝရံ မေ ပတိတံ,
ဒေဝလောကေ ရမာမဟံ.
29.
1410
ဥဗ္ဗိဒ္ဓံ ဘဝနံ မယှံ,_
သတဘူမံ သမုဂ္ဂတံ;
ကညာသတသဟဿာနိ,
ပရိဝါရေန္တိ မံ သဒါ.
30.
1411
အာဗာဓာ မေ န ဝိဇ္ဇန္တိ,
သောကော မယှံ န ဝိဇ္ဇတိ;
ပရိဠာဟံ န ပဿာမိ,
ပုညကမ္မဿိဒံ ဖလံ.
31.
1412
အဋ္ဌဝီသေ ကပ္ပသတေ,
ရာဇာ သံဝသိတော အဟုံ;
သတ္တရတနသမ္ပန္နော,
စက္ကဝတ္တီ မဟဗ္ဗလော’.
32.
1413
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
1414
ဣတ္ထံ သုဒံ အာယသ္မာ ဂန္ဓောဒကိယော ထေရော ဣမာ ဂါထာယော အဘာသိတ္ထာတိ.
1415
ဂန္ဓောဒကိယတ္ထေရဿာပဒါနံ စတုတ္ထံ.