6.6 သပရိဝါရာသနတ္ထေရအပဒါန
Review
43.
1428
“ပဒုမုတ္တရဗုဒ္ဓဿ,
ပိဏ္ဍပါတံ အဒါသဟံ;
ဂန္တွာ ကိလိဋ္ဌကံ ဌာနံ,
မလ္လိကာဟိ ပရိက္ခိတံ.
44.
1429
တမှာသနမှိ အာသီနော,
ဗုဒ္ဓေါ လောကဂ္ဂနာယကော;
အကိတ္တယိ ပိဏ္ဍပါတံ,
ဥဇုဘူတော သမာဟိတော._
45.
1430
ယထာပိ ဘဒ္ဒကေ ခေတ္တေ,
ဗီဇံ အပ္ပမ္ပိ ရောပိတံ;
သမ္မာ ဓာရံ ပဝေစ္ဆန္တေ,
ဖလံ တောသေတိ ကဿကံ.
46.
1431
တထေဝါယံ ပိဏ္ဍပါတော,
သုခေတ္တေ ရောပိတော တယာ;
ဘဝေ နိဗ္ဗတ္တမာနမှိ,
ဖလံ တေ တောသယိဿတိ.
47.
1432
ဣဒံ ဝတွာန သမ္ဗုဒ္ဓေါ,_
ဇလဇုတ္တမနာမကော;
ပိဏ္ဍပါတံ ဂဟေတွာန,
ပက္ကာမိ ဥတ္တရာမုခေါ.
48.
1433
သံဝုတော ပါတိမောက္ခသ္မိံ,
ဣန္ဒြိယေသု စ ပဉ္စသု;_
ပဝိဝေကမနုယုတ္တော,
ဝိဟရာမိ အနာသဝေါ.
49.
1434
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
1435
ဣတ္ထံ သုဒံ အာယသ္မာ သပရိဝါရာသနော ထေရော ဣမာ ဂါထာယော အဘာသိတ္ထာတိ.
1436
သပရိဝါရာသနတ္ထေရဿာပဒါနံ ဆဋ္ဌံ.