6.7 ပဉ္စဒီပကတ္ထေရအပဒါန
Review
50.
1437
“ပဒုမုတ္တရဗုဒ္ဓဿ,
သဗ္ဗဘူတာနုကမ္ပိနော;
သဒ္ဒဟိတွာန သဒ္ဓမ္မေ,
ဥဇုဒိဋ္ဌိ အဟောသဟံ._
51.
1438
ပဒီပဒါနံ ပါဒါသိံ,
ပရိဝါရေတွာန ဗောဓိယံ;
သဒ္ဒဟန္တော ပဒီပါနိ,
အကရိံ တာဝဒေ အဟံ.
52.
1439
ယံ ယံ ယောနုပပဇ္ဇာမိ,
ဒေဝတ္တံ အထ မာနုသံ;
အာကာသေ ဥက္ကံ ဓာရေန္တိ,
ဒီပဒါနဿိဒံ ဖလံ.
53.
1440
တိရောကုဋ္ဋံ တိရောသေလံ,
သမတိဂ္ဂယှ ပဗ္ဗတံ;
သမန္တာ ယောဇနသတံ,
ဒဿနံ အနုဘောမဟံ.
54.
1441
တေန ကမ္မာဝသေသေန,
ပတ္တောမှိ အာသဝက္ခယံ;
ဓာရေမိ အန္တိမံ ဒေဟံ,
ဒွိပဒိန္ဒဿ သာသနေ.
55.
1442
စတုတ္တိံသေ ကပ္ပသတေ,
သတစက္ခုသနာမကာ;
ရာဇာဟေသုံ မဟာတေဇာ,
စက္ကဝတ္တီ မဟဗ္ဗလာ.
56.
1443
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
1444
ဣတ္ထံ သုဒံ အာယသ္မာ ပဉ္စဒီပကော ထေရော ဣမာ ဂါထာယော အဘာသိတ္ထာတိ.
1445
ပဉ္စဒီပကတ္ထေရဿာပဒါနံ သတ္တမံ.