7.1 သကစိန္တနိယတ္ထေရအပဒါန
Review
1.
1491
“ပဝနံ ကာနနံ ဒိသွာ,
အပ္ပသဒ္ဒမနာဝိလံ;
ဣသီနံ အနုစိဏ္ဏံဝ,_
အာဟုတီနံ ပဋိဂ္ဂဟံ.
2.
1492
ထူပံ ကတွာန ပုလိနံ,
နာနာပုပ္ဖံ သမောကိရိံ;
သမ္မုခါ ဝိယ သမ္ဗုဒ္ဓံ,
နိမ္မိတံ အဘိဝန္ဒဟံ.
3.
1493
သတ္တရတနသမ္ပန္နော,
ရာဇာ ရဋ္ဌမှိ ဣဿရော;
သကကမ္မာဘိရဒ္ဓေါဟံ,
ပုပ္ဖပူဇာယိဒံ ဖလံ.
4.
1494
ဧကနဝုတိတော ကပ္ပေ,
ယံ ပုပ္ဖမဘိရောပယိံ;
ဒုဂ္ဂတိံ နာဘိဇာနာမိ,
ပုပ္ဖပူဇာယိဒံ ဖလံ.
5.
1495
အသီတိကပ္ပေနန္တယသော,
စက္ကဝတ္တီ အဟောသဟံ;
သတ္တရတနသမ္ပန္နော,
စတုဒီပမှိ ဣဿရော.
6.
1496
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
1497
ဣတ္ထံ သုဒံ အာယသ္မာ သကစိန္တနိယော ထေရော ဣမာ ဂါထာယော အဘာသိတ္ထာတိ.
1498
သကစိန္တနိယတ္ထေရဿာပဒါနံ ပဌမံ.