7.3 ပစ္စာဂမနိယတ္ထေရအပဒါန
Review
13.
1507
“သိန္ဓုယာ နဒိယာ တီရေ,
စက္ကဝါကော အဟံ တဒါ;
သုဒ္ဓသေဝါလဘက္ခောဟံ,
ပါပေသု စ သုသညတော.
14.
1508
အဒ္ဒသံ ဝိရဇံ ဗုဒ္ဓံ,
ဂစ္ဆန္တံ အနိလဉ္ဇသေ;
တုဏ္ဍေန သာလံ ပဂ္ဂယှ,
ဝိပဿိဿာဘိရောပယိံ.
15.
1509
ယဿ သဒ္ဓါ တထာဂတေ,
အစလာ သုပတိဋ္ဌိတာ;
တေန စိတ္တပ္ပသာဒေန,
ဒုဂ္ဂတိံ သော န ဂစ္ဆတိ.
16.
1510
သွာဂတံ ဝတ မေ အာသိ,
ဗုဒ္ဓသေဋ္ဌဿ သန္တိကေ;
ဝိဟင်္ဂမေန သန္တေန,
သုဗီဇံ ရောပိတံ မယာ.
17.
1511
ဧကနဝုတိတော ကပ္ပေ,
ယံ ပုပ္ဖမဘိရောပယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
18.
1512
သုစာရုဒဿနာ နာမ,
အဋ္ဌေတေ ဧကနာမကာ;
ကပ္ပေ သတ္တရသေ အာသုံ,
စက္ကဝတ္တီ မဟဗ္ဗလာ.
19.
1513
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
1514
ဣတ္ထံ သုဒံ အာယသ္မာ ပစ္စာဂမနိယော ထေရော ဣမာ ဂါထာယော အဘာသိတ္ထာတိ.
1515
ပစ္စာဂမနိယတ္ထေရဿာပဒါနံ တတိယံ.